Elektrik naqillərinin və texniki avadanlığın gizlədilməsinin 5 üsulu.
Son zamanlar müasir mənzillərdə interyerə heç də uyğun olmayan əşyalar və avadanlıq toplanır. Ən əsas olanı otaq boyu uzanıb, əl-ayağa dolaşan elektrik naqilləridir. Aydın məsələdir ki, bu əşyaların hamısı gərəklidir, lakin əsas problem həmin avadanlıqları və naqilləri elə gizlətməkdir ki, onlar otağın görünüşünü korlamasın. Bu məqalədə gərəkli əşyaların interyerə uyğunlaşdırılmasını 5 üsulunu nəzərinizə çatdırmaq istəyirik.
Qüvvə mənbəyi stansiyası. Mənzilinizdə qüvvə stansiyası yaradın. Bu, mənzildə səliqə-səhman yaradmaqla yanaşı, evdəki adapterlərin hamısının bir yerdə olmasını təmin edəcəkdir.
Bu məqsəd ilə yazı masasının və ya dolabın siyirməsini istifadə etmək – əla fikirdir. Siyirmənin içərisində elektrik naqillərinin uzadıcısını yerləşdirin, yanında da telefonların adapterlərini saxlayın.
Bununla siz həm elektrik naqillərini gizlətmiş olacaqsınız, həm də adapterlərin saxlanan yeri unutmayacaqsız.
Modem üçün qutu. Modem və ya routeri bir qutunun içərisinə qoyub divardan asmaq olar. Narahat olmayın, bu siqnalı əsla zəiflətməyəcəkdir. Otağınızın görünüşü isə yaxşılığa doğru dəyişəcəkdir.
3. Elektrik naqillərindən hazırlanmış dekor. Bəzən otaqda elektrik pirizlərinin sayının azlığı ucbatından uzadıcılardan istifadə etmək məcburiyyəti yaranır. Lakin bu halda da əla çıxış yolu tapmaq mümkündür.
Naqillərdən əla dekor yaratmaq olar. Beləliklə əl-ayağa dolaşmaq əvəzinə naqil bir bəzək elementinə çeviriləcəkdir.
4. Texniki dolab. Texniki dolabın qapısını divardan asılmış şəklin arxasında gizlətmək olar.
Dolabın qapısının ölçüsündən böyük ölçüdə olan şəkil tapıb, texniki dolabın qapısının üstündən asırıq.
İnteryerdə yer alan əlavə dekor elementi olmaqla bu şəkil otağa rahat görünüş verəcəkdir.
5. Texniki avadanlıq üçün rəf. Bir çox insan öz yaşadığı yerdə çalışdığı üçün ofis texnikasının düzgün yerləşdirmə problemi ilə qarşılaşır.
Texniki avadanlığı kitab rəflərində yerləşdirə bilərsiniz. Beləliklə siz həm özünüz üçün iş guşəsi yaradacaq, həm də avadanlıq və naqilləri gizlədə biləcəksiniz.
